كتب: شريف بديع النور

أكد الشاعر الكبير أحمد فؤاد نجم أنه غير قلق من الأحداث الحالية ، مؤكدا أن من يقف ورائها هم " الصراصير بتوع الثورة المضادة المنتمين للنظام السابق ومعهم البلطجية" على حد قوله.

نجم قال أن ما تمر به مصر هذه الأيام طبيعي وأضاف " شوفوا مصر سنة 2015 وهتلاقوها من أعظم بلاد الدنيا، الثورة اللي قام بيها الشباب ماحدش هيعرف قيمتها إلا بعد عشرين سنة لكن نتايجها هتظهر بعد أربع سنين".
نجم قال أنه بعد قيام الثورة انتابته حالة من الصراخ وظل فيها ينادي على رفيق كفاحه الشيخ إمام ويقول له " حد يموت يا إمام من غير ما يشوف الثورة، الثورة قامت يا إمام"، وأضاف : أنا كنت بقول دايما إني مش هموت غير لما أشوف مصر لابسه الطرحة وفستان الفرح، وخلاص شفتها، ودلوقتي أعتبر نفسي ضيفاً على الدنيا كام يوم بتفرج فيهم على اللي بيحصل في مصر" .

الفاجومي قال أنه يعتبر نفسه أباً لكل شباب التحرير وأضاف: خلي بالك أنا شاعر مش متواضع وشايف إن شعري كان هو وقود الثورة، أنا اللي كتبت " صباح الخير على الورد اللي فتح في جناين مصر "، كتبتها في السبعينات علشان تعبر عن ثورة في 2011، وكل ولادي كانوا بيرددوا أشعاري وقت الثورة.
الفاجومي أعرب عن إرتياحه لاستبعاد يحيى الجمل من وزارة شرف وقال : كنت أشعر بأن يحيى الجمل ضد الثورة ويعمل على إجهاضها، والأشرف لعصام شرف أن ينسحب لأن اللي بيحصل مش صح