12:16 PM نيكول سابا: حاسة أن فيه مخطط لتدمير المنطقة العربية | |
كتبَ / شريف صادق عبرت الفنانة اللبنانية نيكول سابا عن قلقها بسبب الوضع الحالي في الوطن العربي، وقالت: "الحال بيتجه للأسوأ و مفيش توحيد للهدف، ففي مصر نجحت الثورة، وفي بلاد تانية لسه النظام الحاكم مستمر، والفوضى منتشرة فى البلاد،زى اليمن وسوريا وليبيا إذن فى تناقض وخلل معين انا مش قادرة احلله". وقالت نيكول في حوارها مع جرنال "الدستور": "حاسة أن فيه مخطط لتدمير المنطقة كلها، بدليل أن الأمور موصلتش لسلام، فبمجرد ما تهدا الأمور هنا تولع هناك، ومش شايفة اى حاجة مبشرة، فأنا مش عايزة أضحك على نفسي وأقول إن الحياة "بمبي" والدنيا جميلة". اما عن رأيها فى مشهد مبارك جوا قفص الاتهام، قالت: "مفيش شك أن الموقف ده يعتبر درس لكل الحكام، و درس لكل شخص عشان يتعلم منه أنه هيتحاسب على اللى بيعمله، مش في الدنيا بس لكن في الآخرة كمان، وربنا حسابه أكبر بكتير". | |
|
مجموع المقالات: 0 | |